Sunday, June 28, 2015

Diretores husi Ministeriu saude halao sorumutu konaba Parseiru seitores privadu Public Private Partnership

Sorumutu iha ministeriu saude foto carinton salazar
Palacio das Cinzas Ministra saude dra. Maria do Ceu Sarmento halao abertura ba workshop parseirus seitores privadu PPP durante loron ida 29/06/15.

marka prejensa iha sorumutu nee mak, diretores nasionais ministeriu saude, diretores municipius, diretores husi SAMES, INS, Labnas, Diretores Ospitais referensias, Xefes departamentus, Official husi ministeriu finansas, peritus husi Banku mundial nomos sel-seluktan.


Ministra saude iha ninia intervensaun hateten ida nee hanesan sorumutu ida nebe importante tebes tamba bele dezamina informasaun ba diretores sira hodi nunee sira bele apar diak liutan konaba PPP nee rasik.

Monday, June 15, 2015

Press Release

Vice Ministra halao Inkontru ho Embasador Australia
ba timor leste ho ninia komitiva
Dili, Palacio das Cinzas 16 Junho 2015. Ministériu saúde liu husi Sua Excelência Vice Ministra Saúde DR. Ana Isabel hetan vijita kortegia husi delegasaun Embaixadór Australia ba Timor leste hodi deskute konaba pakote servisu saude nebe durante nee ministeriu hetan husi Governu Australia ba povu Timor leste liu husi AUSAID nomos agensia sira seluk.

objetivu prinsipal husi vijita kortegia ne’e mak atu hare fila fali koperasaun ne’ebe durante ne’e Governu Timor Leste halao ho governu Australia no tulun nebe ministeriu hetan governu australia nian.

Vice Ministra Saude Ana Isabel hatoo ninia agradese wain ba vijita ne’ebe halao husi Embaixador Australia ba Timor Leste ho ninia delegasaun nebe prontu suporta nafatin ministeriu saúde. Mesmu banku mundial liu husi NHSSP hapara ona ninia ajuda no supurta ba ministériu saúde, maibe Governu Australianu liu husi AUSAID sei prontu nafatin suporta Timor Leste liu husi kontinuasaun projetu balun nomos projetu foun balun nebe sei deskuti hamutuk iha tempu oin mai.

Aleinde deskute foka liu ba area teknika nian Sua Excelência Vice ministra saúde mos haktuir konaba servisu 100 diaz iha VI Governu Constitucional nebe halao tiha ona mak hanesan, estabelesementu no lansamentu Pakote Servisu Basiku hanesan KSP nebe lansa husi Primeiru Ministru, elaborasaun lei organiku foun ba ministeriu saúde liu husi organograma nebe agora dadaun estabelese mak hanesan uluk ministeriu saude iha Diresaun Geral ida maibe agora iha Diresaun Geral rua no seluk-seluktan.

Area koperasaun nebe ministeriu saude sei hetan husi AUSAID mak hanesan hadia jestaun Ambulansia, Officina mini iha Instituto Nacional Saude INS, Nutrisaun, kapasitasaun ba Jestaun finasas publiku, Rekursus Umanus liu husi RACKS sei halao mos kapasitasaun no formasaun ba médiko jeral sira hodi servi komunidade no povu timor leste.

Ana Isabel mos realsa katak iha tinan 2016 sei iha servisu lubuk nebe ministeriu saude halao mak hanesan vijita domilisiaria hodi bele estabelese profile no dadus saude familiar nomos veteranus nebe sei sai hanesan programa prioridade iha tinan 2016. tamba nee ministeriu saude presija tebes tulun husi doadores sira hodi bele apoiu iha programa nee.

Embaixador Australia ba Timor Leste hateten Governu Australia prontu nafatin tulun ministeriu saúde ba programa nebe mensiona nunee mos ba programa foun nebe sei tuir mai bazeia ba nesesidades ministeriu nian. Ministeriu saúde se kria ekipa ida hodi bele diskuti hamutuk ho doadores sira hodi bele trasa plano hamutuk bazeia ba nesesidade Governu Timor-Leste nian nunee la iha over lap ba orsamentu nebe planeadu.



Sunday, May 31, 2015

Diskursu Vice Ministra Saude Iha Celebrasaun Loron Mundial La Fuma Tabaku, MSS (Ministeriu Solidariadade Social)31 Maiu 2015


Iha loron 31 maiu mundu tomak selebra loron mundial la fuma tabaku nunee iha tinan 2015, ministeriu saude hamutuk ho organizasaun saude mundial halao selebrasaun ida nee iha loron 29-30 maiu 2015 ho tema “ Hamutuk Ita Luta Kontra Tabaku no Hapara Komersiu Ilegal ba Produtu Tabaku Iha Timor-Leste”. No tema espesifiku; “ Liu Husi Hapara Fuma Tabaku Ita Prevene Moras Tensaun Ass, Stroke, Atakasaun fuan, Asma no Kankru”.

Aktividade nebe sei realiza mak workshop nasional luta kontra tabaku nebe halao loron ohin no aban sei kontinua ho marxa saudavel, Jinastika Nasional, Zumba, Poco-poco, screening masal ba tensaun ka sukat tensaun no kadi kakutak ho objetivu atu halo advokasia no sensibilzasaun ba autoridades nasionais, sociadade sivis, akademistas, media no komunidade sira hodi hapara fuma no promove hahalok moris saudavel hodi halo prevensaun ba moras kronika la hadaet nebe relasiona ho uza tabaku iha timor-leste.

Ministeriu saude mos halao kampanha anti tabaku iha media, no halao aktividades balun iha municipius sira mak hanesan promosaun saude iha eskola, sentru saude, radio komunidade no organiza marxa saudavel iha sira nia municipiu rasik.

Selebrasaun loron mundial la fuma tabaku ba tinan ida nee hanesan aktividade nebe halao husi kolaborasaun ho organizasaun mundial saude no gabinete primeiru ministru ho objektivu atu hasae konhesimentu no sensibilidade ba autoridades, seitor pribadu, sociadade sivil, komunidade, akademista, estudantes, juventude, jornalista nomos komunidade sira konaba impaktu husi tabaku ba saude publika, nunee mos enkoraza media sira atu bele servisu hamutuk ho ministeriu saude hodi kontribui diak liutan ba redusaun redus prevalensia uja tabaku no moras kronikas la hadaet iha timor-leste.

Hanesan ita hotu hatene katak, iha fulan setembru 2011, iha inkontru asembleia jeral nasoens unidas konaba moras la hadaet, membru sira hatoo sira nia komprimisiu no asaun konprensivu ho prevene no kontrola moras la hadaet.

Moras la hadaet mak grupu ba kondisaun sira nebe inklui moras kardiovaskular ka moras tensaun aas no atakasaun fuan, kankru, diabetes melitus, moras respiratoria kronika no entre moras seluk barak nebe karateriza husi sira nia kronisidade no la hadaet husi ema ida ba ema seluk. Proporsaun boot moras la hadaet bele prevene liu husi hadook an husi fator risku hanesan uja tabaku, dieta la saudavel, inatividade fizika, uza perigu ba alkohol no stress.

Hanesan parte kontinuasaun husi komprimisiu ida nee maka ministeriu saude Timor-Leste hahu halo asaun konkretu liu husi adopsaun no estabelese regulamentu publika nebe efetitivu no defini estratejia tuir situasaun saude Timor-Leste nian hahu kedas tinan 2013 nunee bele kontribui hodi halo prevensaun no kontrola ba moras la hadaet iha ita nia nasaun.

Hare ba dadus iha ita nia rain, prevalensia uju tabaku aktual entre ema sira ho idade tinan 15-49 tuir survey demografika ba saude iha, tinan 2009; hatudu katak mene 69.5 % ho feto 4.7 % mak fuma segaru, prevelensia nee hatudu katak ita nia populasaun tumador iha iha sexu mane ho idade> 15 anos aas liu ha rejiaun sudeste asiatiku.

Iha parte seluk, prevalensia uju tabaku atual entre adolesente tuir global youth tobacco survey hatudu katak mane foin sae entre idade tinan 13-15 iha 50.6 % mak fuma no feto foin sae 17.3 % mak fuma sigaru.

Maske iha timor-leste, numeru manufatura tabaku seidauk iha maibe tabaku oi-oin importa mai iha ita nia rain. Iha tinan kotuk 2013 organizasaun mundial no ministeriu saude tau atensaun makas ba “ Bandu ba Publisidade, Promosaun no no sponsor” liu husi komemorasaun loron mundial la fuma tabaku nunee mos ba tinan ida nee sei tau atensaun makas ba asuntu taxa tabaku, Komersiu illegal ba tabaku no kompanhia sensibilizasaun ba publiku no komunidade sira konaba efeitus husi tabaku ba saude publika.

Aproximasaun komprensiva ba promosaun saude engloba asaun koletiva husi ministerios relevantes no seitor hot-hotu, inklui mos sociadade civil, media, estudantes no komunidade sira hotu hodi nunee bele hametin abilidade no kapasidade ba ema ida-idak hodi hadiak sira nia saude nomos asaun sira nebe lori mudansa iha kondisaun social, meu-ambiente no ekonomiku nebe impaktu ba saude.

Ita nia estadu liu husi ministeriu saude intrega ona programa kontrolu tabaku hanesan programa prioridade prioridade, nunee esforsu balu ministeriu saude halao ona mak hanesan;

- Asina ona plataforma konvensaun ba kontrolu tabaku no ratifika iha tinan 2014
- produs dekretu lei numeru 9/2006 konaba avizus saude iha embaljen tabaku
- produs lejislasaun komprensivu ba kontrolu tabaku iha timor leste nebe submete ona ba konsellu ministru iha tinan 2015.
- Dezenvolve ona estrategia nasional ba kontrolu tabaku nebe integra hamutuk planu estratejiku ba kontrolu moras la hadaet iha tinan 2013
- Kampanha sensibilizasaun ba komunidade iha nivel nasional
no municipius
- promosaun ba hahalok moris saudavel iha fasilidade saude
- Halo ona lansamentu kampanha anti-tabaku iha media, nebe hahu desde 23 janeiru 2015
- Tinan ida nee ministeriu saude sei kontinua halo kampanha sensibilizasaun kontra tabaku ba komunidade sira, lansamentu ba zona livre tabaku iha fasilidade saude no instituisaun publika sira inklui seitor privadu
- Ministeriu saude kontinua servisu hamutuk ho ministerios relevantes, parceirus sira hotu inklui NGO sira, sociadade civil media no komunidade sira atu kontinua halo esforsu sira hanesan;

introdusaun komprensivu ba lezislasaun nebe relasiona ho tabaku hodi tau iha komprimisiu tuir konvensaun enkuadramentu konaba kontrola tabaku FCTC no obriga ninia implementasaun

- Hasae impostu konaba produtu tabaku inklui taxa importasaun
- Deklara fatin publiku hotu-hotu livre tabaku
- implementa ka proibisaun komprensivu ba iha publisidade tabaku iha no orgaun legal sira, patrosiniu no promosaun
- Bandu faan tabaku ba no husi otas sei kiik

hari sistema vijilansia tabaku nian hodi monitoriza ninia uju inklui entre adolsente sira.
Estabelese servisu hapara tabaku iha fasilidade saude sira
halao kampanhia midia hodi responde hasoru influensia husi industria tabaku no desenkoraja uja tabaku

Hau espera liu husi kolaborasaun seitor hot-hotu nian, bele kontribui halo redusaun ba numeru konsumidor tabaku iha timor leste, nunee mos proteje ita nia sidadaun sira, liu-liu jerasaun foun sira husi tabaku, nunee ita hamutuk promove moris saudavel.

Ministeriu saude hakarak aproveita selebrasaun loron mundial la fuma ba tinan ida nee hodi fo rekohesimentu espesial ba seitor privadu 28 iha nivel nasional no municipal, nebe ho sira vontade rasik estabelese ona area livre tabaku iha sira nia servisu fatin. Ministeriu saude sei hametin parseria ho ita boot sira, hodi nunee ita servisu hamutuk luta kontra tabaku iha timor-leste.
Agradese mos ba komisaun organizadora liu-liu diresaun nasional saude publika, Organizasaun saude mundial no Gabinete primeiru ministru nebe halo servisu diak hodi realiza eventu ida nee. Ami nia agradesimentu espesial ba S. E Primeiru Ministru RDTL VI Governu Konstitusional, maluk ministeriu relevantes, media no parseiru sira hotu nebe fo ona tempu hodi marka prezensa iha fatin ida nee.

Ministeriu saude hakarak konvida no enkoraja maluk sira hotu atu hamutuk ita luta kontra tabaku iha timor leste.
mensagem ikus nebe atu hato'o ba ita boot sira katak : 80 % husi prevensaun moras tensaun aas, stroke, atakasaun fuan, asma no kankru mak; presija promove hahalok moris saudavel liu husi ; hapara fuma tabaku, badinas halo ejersisiu fiziku, hapara konsumu tua redus han masin no konsumu aifuan no modo barak.

Hau deseiju loron diak no susesu ba ita boot sira hotu

obrigada



Thursday, May 28, 2015

Abertura komemora Loron Mundial la Fuma Tabaku husi Primeiru Ministru RDTL VI Governu Konstitucional, Dr. Rui Maria de Araujo

Diskursu PM RDTL foto Carinton Salazar
Workshop Nasional luta kontra tabaku no advokasia ba prevensaun komersiu ilegal ba produtu tabaku iha timor leste no lansa livru relatoriu peskija global tabaku ba juventude tinan rihun rua sanulu resin tolu 2013.

Primeiru Ministru RDTL liman los, Vice Ministra da Saude klaran, Reprejentante WHO Timor leste
Entrega Certifikadu husi PM RDTL, Dr. Rui Maria de Araujo



Tuesday, May 26, 2015

Press Release

Vice Ministra Saude komemora festa restaurasaun Independensia iha municipiu Viqueque nomos halao inagurasaun ba postu saude Afaloicai”


VI Governu Konstitusional liu husi Vice Ministra da Saude Dra. Ana Isabel Soares komemora Festa restaurasaun Independensia ba dala 13 iha munisipiu Viqueque 20/05/15. marka prejensa iha cerimonia nee mak populasaun husi munisipiu viqueque, joventudes, estudantes, nomos polisia nasional timor leste.
Dra. Ana Isabel iha ninia intervensaun hateten; kada individu ida-idak, nomos ba familia ida-idak kria pas no estabilidade iha povu tomak nia le’et no familia rasik. asegura no hametin liutan pas no estabilidade iha ita hotu nia leet.
Sorin seluk Julio Soares Diretor Servisu Saúde munisipiu Viqueque haktuir katak; serimónia restaurasaun loron 20 de Maio Timor-Leste ba dala 13 iha munisípiu Viqueque servisu saúde municipius mak hanesan prezidente komisaun organizadora ba loron restaurasaun 20 de Maio iha Munisípiu Viqueque.
Aleinde sai hanesan inspector ba cerimonia isar bandeira Vice ministra VI Governu Konstitusional halao mos atividade sira seluk mak hala’o hosi diresaun saúde ne’ebe mak hala’o vizita ba sentru saúde no postu saúde ne’ebe mak iha Lakluta iha loron 19 fulan Maio nomos enkontru ho komunidade sira ne’ebé mak iha Lakluta, no vizita mós ba postu saúde no sentru saúde sira seluk ne’ebe mak iha Munisípiu Viqueque.
Sorin seluk Antes halao serimónia ishar da bandeira ne’e hala’o vizita mós ba sentru da saúde internamentu da Viqueque nomos ho office NGO Marrie Stopes International ne’ebé mak ajuda durante ne’e iha municipiu Viqueque.
Vice ministra saude hamutuk ho komitiva halao mos visita ba aerodrome ne’ebé foin dadauk tinan liu ba prepara ona atu atende emergensia kuandu bainhira iha kazu emergensia ruma karik I bele kontaktu ho aviaun bele mai foti pasiente ne’ebe moras.
Vice Ministra da Saúde Dr. Ana Isabel ba inagura postu da saúde foun iha Suco Afaloicai Munisipiu Viqueque. I akompanha mós hosi Administrador postu administrativu Uatulari Munisípiu Viqueque.
Administrador Munisípiu Viqueque no Diretór Servisu Saúde munisípiu Viqueque No asisti mós hosi Xefe do Suco nain ne’en (6) mak hanesan Suco Liurai Makadiki, Matakoi, Waitame, Afaloicai, Babulu no Wesoru no reprezentante mos hosi populasaun sira hosi suco nain ne’en (6).
Hosi postu saúde foun ne’e, povu sira sente kontente tanba bele fó benefisio ba populasaun sira iha suco ne’ebe refere, tanba sira sente kontente ho postu saúde foun ne atu nune’e sira mos la susar atu hala’o tratamentu dook, tanba durante fulan hirak liu ba sira sente susar kuando atu halo tratamentu dok I hasoru difikuldade dalan ne’ebé mak ladiak no mós dalan ne’ebé dok teb-tebes.
Tomas Soares Da Silva nAdministrador Postu Administrativu Uatulari hateten sira nia postu sanitário foun ne’ebé mak iha Uatulari hosi suco Afaloicai ne’e sira sente agradece tanba atu bele kobre hela komunidade hosi suco Afaloicai nia saúde. karik komunidade sira iha suco ne’ebé refere atu halo tratamentu iha postu saúde atu nune’e bele kobra hela iha sentru saúde bele ba liu iha hospital.

 hafoin hala’o inagura postu saúde suco Afaloicai vice ministra da saúde kontinua la’o ba Baucau I hala’o vizita ba ospital referensia Baucau I mos hala’o enkontru ho funsionariu sira iha ospital referensia Baucau. MS

Wednesday, March 11, 2015

Vijita Vice Ministra Saúde VI Governu Konstitucional DR. Ana Isabel de F. S. Soares, PH, MSc, PhD. Iha Municipio Bobonaro Nomos Municipiu Suai

“Presija Buka Solusaun Local Ba Problema Local” Ana Isabel
Husi
Carinton Salazar G Freitas
DR. Ana Isabel de F. S. Soares, PH, MSc, PhD
Aproveita ho biban hala’o abertura ba programa supervisaun supertivu ne’ebé organiza husi diresaun nasional planu no koperasaun ministeriu saúde. Vice ministra hala’o mos vijita badak ba servisu saúde municipius, Ostpital referensias, Centru saúde, nomos postu saúde balun hodi hare besik liu kondisaun servisu iha fatin sira ne’ebé refere. 
Ex diretora diresaun nasional saúde komunitaria iha I governu konstitusiona ne’e kontinua dejafia knar nain saúde sira atu bele presta servisu di’ak liu hodi fo asistensia ne’ebé di’ak ba komunidade. Vice ministra VI governu konstituicional ne’e mos kontinua haklean konaba regime geral nomos regime espesial ba pesoal saúde sira tamba regime kareira funsaun mos sai hanesan pakote servisu ne’ebé presija atinje iha VI governu konstituicional ho mos re-estruturasaun ba organograma ministeriu saúde nian ne’ebé konsidera boot no obstaklu ba birokrasia ne’ebé dalawain pesoal saúde sira sinte hanesan lenuk.
“Hau mai atu buka imi nia problema, hau mai atu hatene saida mak imi infrenta hodi buka solusaun. Buat hotu ne’ebé imi bele resolve ka infrenta imi tenki rejolve imediatu tamba imi mak jestor ba no liman ain ba dezinvolvimentu saúde iha timor leste”. lia hirak ne’e mak sempre sai hanesan alvu ba vijita vise ministra saúde nian hodi bele dezafia pesoal saúde sira.
VI Governu Konstitusional liu husi Ministériu da saúde mai ho programa prioridade rua maka hanesan ; hasa’e asesu saúde ou lori saúde besik liu tan ba komunidade  no hasa’e kualidade servisu saúde.
VI governu Konstitusional liu husi Vice ministra saúde Ana Isabel hala’o vijita durante loron rua hodi hare besik liu servisu saúde iha municipiu bobonaro. 23 fevereiru 2015. “ Kondisaun Jeografika, Demografika no Ekonomia ne’ebé kontinua sai hanesan potensia bo’ot hodi hamosu problemas saúde iha komunidades nia leet nune’e ohin hau mai atu hare besik liu saida mak sai hanesan prekupasaun boot ba knar nain saúde iha terenu” hateten ana isabel ba knar nain saúde centru saúde atabae’.
Iha parte seluk ex diretora diresaun saúde komunitaria I Governu Konstitusional ne’e haklaken “ hau mai la’os atu hare imi nia di’ak hau mai atu hatene saida mak imi nia problema”. Relasiona ho prekupasaun husi centru saúde atabae agora dadaun aimoruk falta iha centru saude ne’e, vice ministra saúde hateten “ hau sei koalia no sei deskute ho servisu saúde municipius nomos SAMES atu hare kestaun ne’e urgentemente iha tempu badak fiar katak bele rejolvidu”.
Prekupasaun importante ida ne’ebé knar nain sira konfesa ba vice ministra saúde mak konaba transferensia moras. Dalawain moras sira ne’ebé presija tulun tenki transfere ba ospital maliana la direta ba dili hatan ba prekupasaun ida ne’e vice ministra Saúde hateten “ ida ne’e manual protokolu ne’ebé ministeriu saúde estabelese husi governu antrior katak postu Saúde nia so bele asesu to’o centru saúde nune’e mos centru saude ba ospital, konaba sistema transferensia ida ne’e, hau kontinua tau iha konsiderasaun no sei hare no deskute fila fali”.
atu asegura kada Sentru saúde kumpri estandar Pakote Servisus Baziku, Ministeriu Saúde dezenvolve ona politika, estratejia no matadalan oin-oin, proseduramentu ne’ebe estandar, kurikulum ba treinamentu, protokolu no material promosaun Saúde oin-oin. Agora presija asegura di’ak liutan.
Konaba ekipamentus nomos servisu asistensia nian kontinua la’o normal ana isabel kontinua dejafia knar nain saúde sira atu servisu di’ak liu hodi bele fo benefisiu ba komunidade iha teritoriu laran nomos pais em geral.
Iha tempu agora opurtunidade nakloke, dalan ba ita luan, Ita nia mehi ba servisu saúde hakarak di’ak liu, Nudar nasaun ita hotu sente orgulhu se karik ita bele responde nesesidade saúde hotu-hotu ba ita nia an rasik iha oras ne’e, Maibé buat hotu sei realiza ho vizaun ida ne’ebé klaru, Sukat ho ita nia kbiit orsamentu no tempu, Problemas saúde ne’ebé urgente no emergensia liu tenke responde uluk. Ho ida ne’e vice ministra saúde hateten “ buat ne’ebé bele rejolve iha nivel servisu saúde municipius, centru saúde no Postu saúde tenki rejolve kedas. Buka solusaun local ba problema local.
Observasaun direta ne’ebé hala’o husi vice ministra saúde iha centru saúde balibo nota katak buat hotu la’o di’ak tebes so que presija hadia di’ak liutan kadalak bee mos ne’ebé durante ne’e ameasa hodi halo bee nalihun iha centru saude laran. Kondisaun ida ne’e mak kadaves difikulta knar nain saúde sira wainhira fo asistensia ba komunidade.  ho ida ne’e vice ministra saude Ana isabel “ buat hotu ne’ebé sei biban atu rejolve iha centru saúde ka postu saúde sira la presija tenki to’o nasional ka dada halo naruk. Aleinde halo vijita centru saúde balibo hala’o mos vijita ba servisu saúde municipiu Maliana.
SERVISU SAÚDE MUNICIPIU BOBONARO
“Multifunsaun balun paradu”
Hafoin hala’o vijita badak iha centru saúde sira. komitiva vice ministra saúde kontinua hala’o viajen ba servisu municipiu bobonaro hodi hare besik liu kondisaun saúde iha fatin ne’ebé refere. Iha fatin hanesan wainhira hala vice ministra observerva direta ambulansia multifunsaun ne’ebé paradu agora dadaun labele halo operasaun normal tamba ho kondisaun aat. Nune’e hatan ba problema hirak ne’e vice ministra hateten agora dadaun ministeriu saúde hala’o ona kontratu ho kompanha balun hodi bele tau matan no hadia kareta sira ne’ebé aat hodi bele apoiu servisu fasilidade saúde sira.
Diretor saúde municipiu bobonaro akresenta katak agora dadaun iha servisu saúde municipiu maliana falta aimoruk nomos bee mos no presija tan analista atu bele tulun iha fatin balun ne’ebé presija. Nune’e mos knar nain saúde sira presija kapasitasaun kontinuasaun. Hatan ba problema hirak ne’e vice ministra Saúde VI governu konstitusional hateten” buat hotu ne’ebé la dun los agora dadaun ita presija hadia. Nune’e mos hanesan gestor municipiu tenki buka solusaun atu rejolve problema lokal sira ne’e.
sorin seluk hafoin inkontru ho servisu saúde municipiu ana isabel kontinua deskute no fo orientasaun ba SAMES atu bele foti medidas ba falta aimoruk iha fasilidade saúde sira ne’e.
Reuniaun supervijaun supertivu ministeriu Saúde
“Avalia servisu Saúde municipiu nian”
Atu haforsa liutan servisu saúde municipius ministeriu saúde liu husi diresaun nasional planu no koperasaun hala’o sorumutu durante loron ida iha municipiu maliana 24 fevereiru 2015. Marka prejensa sorumutu ne’e mak  vice ministra saúde, administrador municipiu maliana, diretor saúde municipiu maliana, programa manager NHSSP, reprejentante F-FDTL, PNTL nomos parseirus relevantes sira.
Administrador distritu iha ninia intervensaun hateten relasaun entre komunidade kopera kapas tebes durante ne’e, nune’e husu atu kontinua hasa’e kualidade servisu ne’ebé di’ak hodi servi povu ida ne’e espesialmente povu iha municipiu maliana.
Sorin seluk programa manager NHSSP hateten inkontru supervijaun supertivu ida ne’e kapas tebes tamba bele avaliasaun ba servisu ne’ebé durante ne’e la’o iha ministeriu saúde.
Vice ministra saúde Dra. Ana isabel iha ninia diskursu hatutan programa ne’ebé agora dadaun estabele ne’e atu avalia servisu pesoal saúde sira nian iha municipios no bele hetan solusaun ne’ebé di’ak liu hodi nune’e bele atinje servisu saúde di’ak liu iha futuru mai.
Vijita Centru Saúde bobonaro, Postu saúde Ilatlaun, nomos centru saúde Lourba
“Presija truka tanki bee mos ne’ebé kondisaun la di’ak”
Hafoin hala’o tiha abertura ba supervisaun supertivu vice ministra saúde kontinua hala’o viajen ba municipiu suai. Geografikamente kondisaun dalan ne’ebé liga entre jumalai ho municipiu bobonaro aat tebes. Maibe bontade no antusiaismu atu hatene pesoal saúde sira nia problema vice ministra Saúde kontinua hakat ba fasilidades saúde sira hodi hatene saida mak sira infrenta
.
Observasaun geral nota katak centru saúde bobonaro iha aimoruk no falidades saúde ne’ebé sufisiente. Presija hadia despositu bee nian ne’ebé agora la ho kondisaun di’ak tamba ho tinan barak ona. Iha fatin hanesan vice ministra saúde koalia diretamente ho diresaun logistika atu bele buka solusaun no rejolve iha tempu badak tamba hare ba kondisaun tanki bee ne’ebé aat no la duun favoravel hodi bele suporta bee ba fasilidade saúde iha fatin refere.
Hafoin visita centru saúde bobonaro komitiva vice ministra saúde kontinua hala’o vijita ba postu saúde ilatlaun, nomos centru saúde lourba prekupasaun prinsipal ne’ebé komunidade iha parte ne’e infrenta liu-liu mak problema bee mos nune’e mos definisaun estatu ba postu saúde ka centru saúde ne’ebé seidauk los.
centru saúde lourba kobre  suku 5 ho ninia abitantes kuaje 15 mil ital aimoruk hodi fo asistensia komunidade la’o di’ak presija tebes tulun bee mos agora dadaun iha fatin ne’e presija tebes bee mos. Ho hanoin hirak ne’e mak vice ministra saúde husu direta ba reprejentante xefe suku husi lourba atu bele hato’o proposta ministeriu kompotente liu servisu agua saneamentu municipius atu hare kestaun ne’e.
Kuaze problema ne’ebé pesoal saúde sira infrenta iha baze agora dadaun mak kondisaun geografikamente, dalan ne’ebé la dun favoravel hodi asesu ba merkadu ka centru saúde sira kontinua difikulta pesoal saúde nomos pesoal saúde sira. Hanesan realidade hatudu bee mos iha centru saúde jumalai agora dadaun infrenta falta bee mos no ekipamentus saúde balun, transportes hodi bele suporta servisu hanesan bain-bain.
Vijita servisu Saúde municipiu Suai nomos ospital referensia suai
“Bee mos falta ekipamentu Saúde kontinua difikulta servisu Saúde municipiu no ospital suai ”
25 fevereiu 2015 inkontru ne’ebé hala’o ho pesoal saúde sira husi servisu saúde municipio nomos konsellu administrasaun vice ministra saúde kestiona konaba disiplina servisu. Falta bee mos, makina anestesia avaria, makina autoclave, sheldine ne’ebé ho kondisaun la dun di’ak hodi halo atendimentu ba publiku. Funsionariu saúde iha fatin refere mos kontinua ejije atu bele diminui birokrasia ne’ebé kontinua naruk hodi difikulta servisu pesoal saúde sira nian.
Iha fatin hanesan vice ministra saúde hateten “ hanesan pesoal Saúde nomos hanesan gestor tenki forte no brani foti desijaun ba servisu saúde municipius ka ospital hodi nune’e, bele dezenvolve di’ak liutan seitor saúde. Lalika hein buat hotu mai husi nasional no tenki foti solusaun ba problema lokal sira”.
Hafoin hala’o inkontru ho pesoal saúde sira komitiva vice ministra kontinua hala’o viajen ba mota masin fronteira hodi hare besik liu fasilidade saúde ne’ebé durante ne’e la’o iha ne’ebá hodi halo atendimentu ba publiku.
Ba vice ministra saúde antonio soares komfesa katak postu saúde ne’ebé iha postu fronteira, agora dadaun falta ekipamentus saúde, aimoruk nomos kondisaun fatin ne’ebé la dun permite hodi halo atendimentu tamba klot demais. Transporte la iha ba pesoal saúde ne’ebé durante ne’e hala’o knar iha fatin ne’e.
Iha fatin hanesan vice ministra saúde hateten prekupasaun ne’ebé antonio kestiona tau iha konsiderasaun no koalia direta ba xefe centru saúde tilomar hodi bele hare kestaun ne’e no iha tempu badak sei apoiu ekipamentus balun hodi bele tulun pesoal saúde iha fatin refere atu bele halo atendimentu di’ak liu ba komunidade nomos pasageirus sira ne’ebé tama sai indonesia.
Hafoin vijita vice ministra saúde kontinua hakat ba servisu saúde municipiu ainaro, Ospital maubise observasaun geral nota katak atendimentu publiku buat hotu la’o di’ak iha fatin ne’ebá no pesoal saúde servisu hanesan bain-bain. MSPRO

Monday, March 09, 2015

Ceremonia entrega ekipamentus suporta nutrisaun “nutrition supply” husi UNICEF ba ministériu Saúde


Gabinete protokolu komunikasaun social ministériu Saúde

Dili, 10 marsu 2015 ministériu Saúde hamutuk ho agensia internasional UNICEF servisu hamutuk hodi fortifika servisu nutrisaun iha timor leste. Ho hanoin hirak ne’e mak unicef liu husi ninia reprejentante iha timor leste sei intrega ekipamentus hodi suporta servisu baziku departamentu nutrisaun nian.
Ekipamentus hirak nebe ministériu Saúde hetan ne’e sei fortifika no haforsa liutan servisu Saúde municipius nomos centru Saúde sira.
Entretantu ekipamentus hirak nebe ministériu Saúde sei hetan husi UNICEF liu-liu atu tulun departamentu nutrisaun ministériu Saúde mak hanesan; Toyota hilux pickup unidade ida, motorizadas unidade 16.
Aleinde ne’e ministériu Saúde mos hetan tulun ekipamentus nomos aimoruk hodi suporta nutrisaun nian mak hanesan; RUTF ( thearapeutic spread ) F-75 therapeutic diet, F-100 therapeutic diet, resomal, zinck tablets, muac tape, portable baby height/length measurement scale, electronic for mother/child, scale spring type for infants, weiging trousers, multiple micronutrient powder,  vitamin A capsule, albendazole, iron folic acid tablet, bag for PSF, potassium iodate, set of equipment for salt.
Marka prejensa iha cerimonia intrega ekipamentus  iha antigu edifisiu ministériu Saúde nian ne’e mak; vice Ministra Saúde VI Governu konstitusional DR. Isabel de F. S. Soares, PH, MSc, PhD. Reprejentante UNICEF iha Timor Leste, Diretores nasionais, Xefe departamentu nutrisaun, funsionariu husi ministériu Saúde, media no sel-seluktan. MSPRO